តម្លៃប្រេងហក់ឡើងជាង ១១០ដុល្លារ ក្នុងមួយបារ៉ែល នៅដើមសប្តាហ៍នេះ

តម្លៃប្រេងបានហក់ឡើងខ្ពស់ នាថ្ងៃចន្ទ ទី៦ ខែមេសានេះ បន្ទាប់ពីថ្ងៃឈប់សម្រាកបុណ្យ Easter ចុងសប្តាហ៍ ខណៈ សង្រ្គាមរវាងអាមេរិក និងអ៉ីស្រាអែលជាមួយអ៉ីរ៉ង់បន្តរំខានដល់ការផ្គត់ផ្គង់ប្រេងពិភពលោក។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

គិតត្រឹមម៉ោងជួញដូរនាពេលព្រឹក តម្លៃប្រេងឆៅ Brent បានកើនឡើង ២.២ភាគរយ ដល់ ១១១.៤៣ដុល្លារក្នុងមួយបារ៉ែល។ រីឯតម្លៃប្រេងឆៅអាមេរិក West Texas Intermediate បានកើនឡើង ២.៧ភាគរយ ដល់ ១១៤.៥៧ក្នុងមួយបារ៉ែល។

ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអាទិត្យ បានគំរាមកំណត់គោលដៅរោងចក្រថាមពលរបស់អ៉ីរ៉ង់ រួមទាំងស្ពាននៅថ្ងៃអង្គារស្អែកនេះ ប្រសិនបើច្រកសមុទ្រ Hormuz មិនត្រូវបានបើកឡើងវិញ៕