តំណាងអយ្យការសាលាដំបូងរាជធានីភ្នំពេញនាថ្ងៃ៩ មករានេះ បានសម្រេចចោទប្រកាន់ លើអ្នកបើកបររថយន្តឈ្មោះ ណឹម ណាង ភេទប្រុស កើតឆ្នាំ១៩៨៩ (ឃាត់ខ្លួន) ពីបទ បើកបរបង្កគ្រោះថ្នាក់ចរាចរណ៍បណ្តាលឲ្យតារាចម្រៀងរ៉េបម្នាក់ឈ្មោះ ដាវិឌ ឬទ្ធិរុទ្រស្លាប់បាត់បង់ជីវិតកាលពីរំលងអាធ្រាតចូលថ្ងៃទី៦ មករា នៅចំណុចផ្លូវ ៦០ម៉ែត្រ ខណ្ឌមានជ័យ។
តំណាងអយ្យការបានបញ្ជាក់ថា ផ្អែកតាមការសន្និដ្ឋានរបស់មន្រ្តីនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ករណីខាងលើនេះ កើតឡើងដោយសារអ្នកបើកបររថយន្តបើកបត់ឆ្វេងឆ្លងផ្លូវមិនគោរពសិទ្ធិយានផ្លូវត្រង់ ចមណែកអ្នកបើកបរម៉ូតូបើកបរក្នុងល្បឿនលឿន។
