កាលពីវេលាម៉ោងប្រមាណជិត១១យប់ ថ្ងៃអាទិត្យ ទី៣ ខែវិច្ឆិកា ឆ្នាំ២០២៤ ផ្សារបឹកឈូក ដែលស្ថិតនៅក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ត្រូវបានអគ្គិភ័យឆាបឆេះដំបូងនៅជាន់ទី១ (ជាន់ខាងលើ) បណ្តាលឱ្យខូចខាតទ្រព្យសម្បត្តិជាច្រើន ខណៈមកដល់ពេលនេះសមត្ថកិច្ចនៅមិនទាន់កំណត់ពីមូលហេតុ និងទំហំខូចខាតនៅឡើយ។
យោងតាមរបាយការណ៍របស់សមត្ថកិច្ចខេត្តបាត់ដំបង អគ្គិភ័យនេះបានកើតឡើងនៅប្លុកតូបលក់ក្រណាត់ លក់ប៉ាក់ឌិន និងជាងកាត់ដេរ។ នៅក្នុងពេលកើតឧប្បត្តិហេតុអគ្គិភ័យនេះ រដ្ឋបាលខេត្តបាត់ដំបង កងកម្លាំងប្រដាប់អាវុធ និង រដ្ឋបាលក្រុងបាត់ដំបង ព្រមទាំងមហាជន បានចាត់ចែង និងប្រើប្រាស់កម្លាំង និងមធ្យោបាយ ចំនួន 791 នាក់ ដោយបានប្រើប្រាស់រថយន្តពន្លត់អគ្គិភ័យរបស់រដ្ឋ ចំនួន11គ្រឿង (ស្នង ការនគរបាលខេត្ត ចំនួន04គ្រឿង និង អធិការដ្ឋានន គរបាលក្រុង ស្រុក ចំនួន07គ្រឿង និង រថយន្តអគ្គិ ភ័យក្រុមហ៊ុនឯកជន ចំនួន 02គ្រឿង សរុប 13គ្រឿ ង ព្រមទាំងប្រើប្រាស់ទឹក អស់ចំនួន 50រថយន្តអគ្គិភ័យ រហូតដល់វេលាម៉ោង០៣និង២០ នាទីឈានចូលថ្ងៃចន្ទ ទី០៤ ខែវិច្ឆិកា ឆ្នាំ២០២៤ ស្ថានភាពនៃអគ្គិភ័យនេះ បានគ្រប់គ្រងបាញ់រលត់ទាំងស្រុង។
រហូតមកដល់ព្រឹកថ្ងៃទី០៤ ខែ វិច្ឆិកា ឆ្នាំ ២០២៤ នេះសមត្ថកិច្ចកំពុងស្ថិតនៅទីនោះនៅឡើយ ហើយចំពោះមូលហេតុដែលបង្កឱ្យកើតគ្រោះអគ្គិភ័យនេះ កំពុងស្ថិតក្នុងការស្រាវជ្រាវ ដែលពេលនេះសមត្ថកិច្ចនឹងបន្តធ្វើការស្រាវជ្រាវនិងវាយតម្លៃចំពោះការខូចខាតនេះ ម៉្យាងទៀតក្នុងគ្រោះអគ្គិភ័យនេះ ពុំមានបង្កឱ្យគ្រោះថ្នាក់ដល់មនុស្សនោះឡើយ៕
