នាយកដ្ឋានគ្រប់គ្រងជំងឺ (DCD) បានប្រកាសនៅថ្ងៃពុធទី២១ ខែសីហាថា ករណីដំបូងនៃជំងឺអុតស្វា clade 1b ត្រូវបានរកឃើញនៅក្នុងប្រទេសថៃ។
DCD បានឱ្យដឹងថា អ្នកជំងឺម្នាក់បានធ្វើតេស្តវិជ្ជមានសម្រាប់វីរុសអុតស្វា clade 1b បន្ទាប់ពីបានត្រឡប់មកពីទ្វីបអាហ្រ្វិកវិញ។ អង្គការសុខភាពពិភពលោក បានប្រកាសថា ការផ្ទុះជំងឺអុតស្វា clade 1b ជាគ្រាអាសន្នសុខភាពសាធារណៈនៃការព្រួយបារម្ភអន្តរជាតិ (PHEIC)។ សេចក្តីប្រកាសរបស់ PHEIC គឺជាលើកទីពីរក្នុងរយៈពេល២ឆ្នាំទាក់ទងនឹងជំងឺអុតស្វា។ ជំងឺនេះបង្កឡើងដោយមេរោគ Orthopoxvirus ត្រូវបានរកឃើញដំបូងលើមនុស្សក្នុងឆ្នាំ១៩៧០ នៅក្នុងសាធារណរដ្ឋកុងហ្គោ ហើយជាជំងឺឆ្លងទៅអាហ្វ្រិកកណ្តាល និងខាងលិច។ វីរុសអុតស្វា Clade 1b បណ្តាលឱ្យស្លាប់ប្រហែល៣,៦ភាគរយនៃករណីសរុប ដែលកុមារមានហានិភ័យខ្លាំងជាង។ នេះបើយោងតាមអង្គការសុខភាពពិភពលោក។
នៅខែកក្កដា ឆ្នាំ២០២២ ការផ្ទុះជំងឺអុតស្វាជាច្រើនប្រទេសត្រូវបានប្រកាសថា ជាការព្រួយបារម្ភអន្តរជាតិ បន្ទាប់ពីវាបានរីករាលដាលយ៉ាងឆាប់រហ័សនៅទូទាំងបណ្តាប្រទេសជាច្រើនដែលមេរោគនេះ មិនត្រូវបានគេឃើញពីមុនមក។ ប្រទេសថៃបានឃើញករណីអុតស្វាចំនួន៨២៧ ដែលជាប្រភេទ clade 2 នៅចន្លោះខែមករា ឆ្នាំ២០២២ ដល់ថ្ងៃទី១១ ខែសីហាឆ្នាំនេះ។ ជំងឺនេះត្រូវបានចម្លងជាចម្បងតាមរយៈការរួមភេទ ឬការប៉ះពាល់ដោយផ្ទាល់ និងបណ្តាលឱ្យអ្នកជំងឺបាត់បង់ជីវិត ដោយ៤ករណីក្នុងចំណោម១០០ករណីបានបណ្តាលឱ្យមានមនុស្សស្លាប់៕
