ព័ត៌មានជាតិ
ក្រសួងព័ត៌មានប្រកាសដាក់ឱ្យអនុវត្តធម្មនុញ្ញវិជ្ជាជីវៈសារព័ត៌មាន
នៅក្នុងសន្និសីទសារព័ត៌មាននារសៀលថ្ងៃទី៦ ខែសីហា ឆ្នាំ២០២៤នេះ ក្រសួងព័ត៌មានបានប្រកាសដាក់ឱ្យអនុវត្តនូវធម្មនុញ្ញវិជ្ជាជីវៈសារព័ត៌មាន បន្ទាប់ពីដំណើរពិគ្រោះយោបល់ដើម្បីទទួលធាតុចូល និងសំណូមពរពីគ្រប់តួអង្គ ភាគីពាក់ព័ន្ធទាំងអស់ក្នុងវិស័យព័ត៌មាន និងសោតទស្សន៍បានបិទបញ្ចប់។
បើតាមក្រសួងព័ត៌មាន ធម្មនុញ្ញវិជ្ជាជីវៈសារព័ត៌មាននេះ ជាមូលដ្ឋានគ្រឹះ នៃក្រមសីលធម៌វិជ្ជាជីវៈសារព័ត៌មានកម្ពុជា សម្រាប់អង្គភាពសារព័ត៌មាន សមាគមសារព័ត៌មាន អ្នកធ្វើសកម្មភាពក្នុងវិស័យព័ត៌មាន និងសោតទស្សន៍ និងអង្គភាពផ្សេងៗទៀតអនុវត្ត។
ធម្មនុញ្ញនេះ បានកំណត់ទិដ្ឋភាពសំខាន់ៗចំនួន៤ ក្នុងនោះ ៖
(ក) កំណត់និយាមអប្បបរមាសម្រាប់សកម្មភាពផ្សព្វផ្សាយព័ត៌មានគ្រប់ទម្រង់ និងតាមគ្រប់មធ្យោបាយ ក្នុងគោលបំណងធានាសង្គតិភាព នៃការប្រតិបត្តិក្រមសីលធម៌វិជ្ជាជីវៈសារព័ត៌មានរួមនៅទូទាំងព្រះរាជាណាចក្រកម្ពុជា សំដៅធានា «ភាពពិត ត្រឹមត្រូវ ស្មោះត្រង់ យុត្តិធម៌ មិនលម្អៀង និងគោរពសិទ្ធិអ្នកដទៃ» ក្នុងការផ្សព្វផ្សាយព័ត៌មាន។
(ខ) បណ្តុះ និងបញ្រ្ជាបផ្នត់គំនិត នៃការផ្សារភ្ជាប់សេរីភាពខាងសារព័ត៌មាន ជាមួយកាតព្វកិច្ច និងទំនួលខុសត្រូវក្នុងក្របខណ្ឌច្បាប់ ដើម្បីរក្សាបាននូវគុណតម្លៃ និងឥទ្ធិពលជាវិជ្ជមាន នៃវិជ្ជាជីវៈសារព័ត៌មានក្នុងសង្គមកម្ពុជា។
(គ) តម្រង់ទិសលើការប្រតិបត្តិក្រមសីលធម៌ក្នុងវិស័យព័ត៌មាន និងសោតទស្សន៍ ដើម្បីធានាសន្តិសុខព័ត៌មាននៅព្រះរាជាណាចក្រកម្ពុជា និងបញ្រ្ជាបការយល់ដឹងអំពីភាពចាំបាច់ នៃការអនុវត្តប្រកបដោយសុខដុមនីយកម្ម ក្នុងចំណោមតួអង្គពាក់ព័ន្ធទាំងអស់ នូវគោលការណ៍គ្រឹះនៃវិជ្ជាជីវៈសារព័ត៌មាន ខណៈគ្រប់តួអង្គត្រូវសម្របខ្លួនទៅតាមការវិវឌ្ឍរីកចម្រើននៃបច្ចេកវិទ្យា និងបញ្ញាសប្បនិម្មិត (AI) ដើម្បីធានានូវលំហសេរីភាពខាងសារព័ត៌មាន ប្រកបដោយគុណភាព សុវត្ថិភាព និងបរិយាប័ន្ន។
(ឃ) លើកកម្ពស់ការផ្សព្វផ្សាយព័ត៌មានពិត ត្រឹមត្រូវ គ្រប់ជ្រុងជ្រោយ ប្រកបដោយតុល្យភាព និងមានប្រភពច្បាស់លាស់ ព្រមទាំងចូលរួមបង្ការ ទប់ស្កាត់ និងប្រឆាំងដំណឹងក្លែងក្លាយ ព័ត៌មានក្លែងបន្លំ ព័ត៌មានបំភ្លៃ និងព័ត៌មានភាន់ច្រឡំ ព័ត៌មានដែលមានលក្ខណៈខុសពីការពិត ដើម្បីធានាភាពជឿជាក់ និងទុកចិត្តក្នុងសង្គមជាតិទាំងមូល សំដៅលើកកម្ពស់វិស័យសារព័ត៌មាន តាមគន្លងមាគ៌ានៃលទ្ធិប្រជាធិបតេយ្យ និងនីតិរដ្ឋក្នុងការរួមចំណែកធានាបាននូវសន្តិសុខព័ត៌មាន ការពារ និងថែរក្សាសុខសន្តិភាព និងការអភិវឌ្ឍប្រកបដោយចីរភាពនៅកម្ពុជា។
NASA គ្រោងបញ្ជូនអវកាសយានិកទៅឋានព្រះចន្ទ នៅខែមីនា
កម្ពុជា បណ្ដេញជនបរទេសជិត ៥០០នាក់ ចេញពីកម្ពុជា
នាយករដ្ឋមន្រ្តីកម្ពុជា សរសេរលិខិតទៅប្រធានាធិបតីបារាំង ស្នើសុំការគាំទ្របច្ចេកទេស និងឯកសារពាក់ព័ន្ធនឹងព្រំដែនកម្ពុជា-ថៃ
ចម្លាក់ទេវកថា ព្រះនារាយណ៍ដ៏ល្អឥតខ្ទោះ នៅលើជញ្ជាំងឥដ្ឋប្រាសាទក្រវ៉ាន់
អ៊ីស្រាអែល សម្លាប់មនុស្ស ២១នាក់ មានកុមារ និងគ្រូពេទ្យ ក្នុងការវាយប្រហារហ្គាហ្សា
កសិដ្ឋានថាមពលពន្លឺព្រះអាទិត្យធំបំផុតលើលោក ភ្ជាប់ពេញលេញទៅបណ្តាញអគ្គិសនីចិន
អាជ្ញាធរថៃ ចាប់ខ្លួនមេគ្រឿងញៀនម្នាក់ ជនជាតិចិនតៃវ៉ាន់ នៅទីក្រុងបាងកក
កម្ពុជា រងឥទ្ធិពលពីព្យុះ ណូកាន ខេត្តមួយចំនួន នឹងមានភ្លៀង និងខ្យល់កន្ត្រាក់
ឆ្នាំ២០២៥! កម្ពុជា ទទួលអ្នកដំណើរផ្លូវអាកាសជិត ៧លាននាក់
ចាប់ពីថ្ងៃនេះ ដល់ថ្ងៃទី១៦ មករា! កម្ពុជា នឹងចុះត្រជាក់ពី១៦-១៨អង្សាសេ នៅពេលព្រឹក
ឯកអគ្គរាជទូតជប៉ុនប្រចាំកម្ពុជា អញ្ជើញផ្តល់បទសម្ភាសន៍ជាមួយអ្នកសារព័ត៌មានជាតិ និងអន្តរជាតិ នៅជំរុំជនភៀសសឹក
រដ្ឋមន្រ្តីក្រសួងវប្បធម៌ បង្ហាញសេចក្ដីបារម្ភចំពោះសំណង់ចម្លងតាមគំរូប្រាសាទអង្គរវត្ត ពីសំណាក់ប្រទេសថៃ នៅក្នុងខេត្តបុរីរម្យ
អត្រាពន្ធគយបដិការរវាង កម្ពុជា សហរដ្ឋអាម៉េរិក
កិច្ចសម្ភាសន៍ជាមួយបងប្អូនប្រជាពលរដ្ឋដែលកំពុងរស់នៅលើកោះឬស្សី
