ក្នុងសារឆ្លើយតបមកកាន់នាយករដ្ឋមន្រ្តីកម្ពុជា ដែលត្រូវបានផ្សព្វផ្សាយកាលពីព្រលប់ថ្ងៃទី២៧ សីហា ប្រធានាធិបតីសហរដ្ឋអាមេរិក លោក ដូណាល់ ជេ. ត្រាំ បានថ្លែងអំណគុណដល់ សម្តេចធិបតី ហ៊ុន ម៉ាណែត ដែលបានស្នើរូបលោកសម្រាប់ពានរង្វាន់ណូបែលសន្តិភាព ហើយថា សម្តេចធិបតី គឺជា ជាថ្នាក់ដឹកនាំឆ្នើម ដែលផ្តល់តម្លៃលើជីវិតមនុស្ស និងស្រឡាញ់សន្តិភាព។
ក្នុងលិខិតនោះ បានសរសេរថា “ខ្ញុំមានកិត្តិយសក្រៃលែង ដែលបានសន្ទនាជាមួយឯកឧត្តម ដើម្បីរួមចំណែកបញ្ចប់ជម្លោះប្រដាប់អាវុធ ជាមួយប្រទេសថៃ។ ប្រទេសកម្ពុជាមានប្រវត្តិសាស្ត្រ និងវប្បធម៌ដ៏យូរអង្វែង និងសម្បូណ៌បែប”។
“ខ្ញុំជឿជាក់ថា ឯកឧត្តមជាថ្នាក់ដឹកនាំដ៏ឆ្នើមមួយរូប ដែលផ្តល់តម្លៃលើជីវិតមនុស្ស និងស្រឡាញ់ សន្តិភាព។ ខ្ញុំពិតជាមានមោទនភាព ដែលបានចូលរួមជាផ្នែកមួយនៃកិច្ចព្រមព្រៀងបទឈប់បាញ់ ដែលបានបញ្ចប់នូវសោកនាដកម្មនៃជម្លោះប្រដាប់អាវុធ និងបានសង្គ្រោះជីវិតមនុស្សរាប់ពាន់នាក់”។
“ចាប់ពីពេលនេះតទៅ យើងអាចផ្តោតការយកចិត្តទុកដាក់ជាមួយគ្នាលើការកសាងវិបុលភាព សម្រាប់ ប្រជាជាតិដ៏អស្ចារ្យរបស់យើងទាំងពីរ”៕
